بعد التحية والسلام
ازيكم يا جماعة انا زعلانة من الكل طبعا لان محدش فيكوا عبرنى ولا اطمن عليا ولا سأل عليا ولا اى حاجة
انتوا ما صدقتوا انى اتجوزت وطنشتونى كدة ليه؟
دا انا بنت عمكم برضوا
على العموم خير
انا الحمد لله سافرت واستقريت طبعا مش مرتاحة قوووى بس الحمد لله على كل حال هيا الغربة كدة (عاقلة بقى)
الناس استقبلتنا هنا فى المطار وعملونا زفة واغانى وعربية متزينة وفرح وظبطونا ربنا يكرمهم
ربنا يعدى الايام على خير ونرجع سالمين غانمين باذن الله
دعوووووووووواتكم كلكم ربنا يرضينى ويريحنى لقنى بقعد ابكى كتيير
سلاااااااام
8 comments:
ربنا يكرمك يا شوشو ويوفقك ويسعدك دايما
واحنا عمرنا ما نقدر ننساكي !
والله انتي وحشاني جدا جدا
ماتنسيش بس تسلميلي على عمر البشير قوي
قوليله يوسف بتاع المنوفية بس وهو هيعرف على طول
ده اصله كان حبيبي
وممكن تبقي تخطفي رجلك بسرعة كده لحد دارفور ولا حاجة
ماشاء الله
ربنا يطمنا عليكى ياشوشو ويسعدك ويرضى عنك يااااارب
الناس عندك زى الفل ماشاء الله
يعنى مش هتكونى فى غربة ولا حاجة
قوليلنا يومك ماشى ازاى والنت اخبارة معاكِ اية
بينى وبينك مليش عين اكلمك عالميل وعارفة انى غلطانة بالثلث
قلبك ابيض بقى ياشوشو
ربنا يكرمك يا شيخ يوسف طول عمرك حنين
انت عارفة يا نسيبة انى قلبى ابيض
يلا خير
المهم انا ماليش نظام هنا خالص لان النت هنا غالى جدا وكمان مش عندى جهاز حاليا
احنا دلوقتى عند ناس بنزورهم وهنبات معاهم قلت ادخل شوية
فادعى لى بقى ربنا يرزقنا ونعرف ندخل لفترات قريبة
أكيد الكل عارف انى جاية السودان عشان الانتخابات الرئاسية القادمة
طبعا استدعونى عشان اشرف واراقب عليها
أحم احم..
مش معقول يعنى ياشيماء راحة تتفسحى هناك وتزورى الاهرمات ابو الهوم
اكيد راحة للأنتخبات
المهم سلمى لينا على تشوفية
وياريت تبعتلنا نمرتك
احم احم
والله ياشوشو منورانا وفعلا احنا كنا ناويين نجيلك قبل ماتسافرى بس ماتجمعناش بقى
ان شاء الله بعد كده نعوضها
ربنا يجيبك بالسلامة ويهون عليكى قعدتك هناك
وبالمناسبة وانتى بتسلمى على عمر البشير ليوسف ابقى قوليله هبة كمان بتسلم عليك وقولى لمراته تبقى تعدى عليا
(نخع بنخع بقى)
ربنا يسعدك يا شوشو ويهنيكي
معلش هي في اولها بتبقى صعبة وبعد كده بتبقى زي الفل ان شاء الله
خلي بالك من نفسك وربنا معاكي يارب
Post a Comment