بسم الله الرحمن الرحيم
بما ان عيلة وهب دلوقتى وقتها
اذن لابد من مواكبة الاحداث الهامة
يبقى اكيد هنتكلم عن مباراة (مصر _ الجزائر) اللى والحمد لله انتهت بفوز مصر بهدفين مقابل لاشئ للجزائر الهدف الاول سجله عمرو زكى فى الدقيقة الثانية من الشوط الاول والهدف الثانى سجله عماد متعب فى اخر دقيقة من الوقت بدل الضائع مما أهلها الى مباراة فاصلة بينها وبين الجزائر ستقام فى ارض محايده (السودان)يوم الاربعاء المقبل باذن الله وان شاء الله مصر تتأهل لكاس العالم 2010
الشوارع والحمد لله من وقت انتهاء المباراة الساعة 9 ونص مساء الى الساعة 11 (وقت كتابة الموضوع) لم يهدأ ولم يقل اعداد الناس بالعكس
االناس بتزيييييييييييييييييد جداااااااا
انا حابة (اعقم) على كل الرغى ده
اولا الماتش مهم والحمد لله ان مصر كسبت خصوصا بعد اللى عمله الجزائريين
ثانيا الماتش خد اكبر من حجمه بكتييييييييييييييييييييييييييييييييييييييييييييير يعنى ايه هيحصل لو مصر ماصعدتش لكاس العالم؟؟؟
ثالثا (وبناء على كلام قالته شيماء وهب) وفعلا معاها حق فيه لو المسجد الاقصى اتحرر ولا أبدنا اسرائيل ولا امريكا خرجت من العراق كان هيحصل زى اللى حاصل على الماتش (مع ان المفروض يحصل اضعاف مضاعفة)؟؟؟؟؟
وفى الاخر برده مبروك لمصر ويارب نكسب ونصعد لكاس العالم بس مش هنموت لو ماصعدناش
تحيااااااتى
هبه وهب
7 comments:
لو الروح اللى موجودة فينا والفريق بتاعنا بيلعب فى المطش موجودة فى قضايا نصرة الامه زى فلسطين كان زمان الاقصى اتحرر من زماااااااااان
داحنا دعينا للمنتخب اكتر من ما بندعى لاخواننا فى فلسطين
ايه الكلام الجامد ده ياهبة
أنا أول اما فتحت المدونة قلت أكيد احمد اللى كاتب البوست بما انه عن الماتش والكورة وكلنا عارفيين حب أحمد للكورة اد ايه
بس فعلا معاكى حق جدا ان الماتش فعلا اخد اكبر من حجمه بكتير كويس اننا فوزنا بس لو ماكناش فوزنا ما كناش هنموت ولا حاجة عادى وفى الاول والاخر كورة فى الارض بتتشاط بالرجل بيجرى وراها 22 واحد
وملاييين قاعدة شادة اعصابها وبتهيص وتهلل وتعيط وتدعى
على اييييييييييييييه ده كلها
لازم ندى لكل حاجة حجمها
وياريت زى ما بنتحمس للكورة كدة نتحمس لباقى قضايا بلدنا وامتنا
الاقصى واطفال غزة والعراق والرسوم الكاريكاتورية للاساءة للرسول وغيره
أنا عارفة ان جميل ان حاجة جات فرحت البلد بدل الهم اللى الناس عايشة فيه وكويس ان الناس تفرح وتهيص بس مش للدرجة دى
لازم ندى لكل حاجة حجمها الحقيقى..
شكرا يا هوبة على طرحك للموضوع
تحياتى
حلو الكلام اوى
ماعنديش حاجة ازودها عن كلام شيماء
و بجد ربنا يهدى
:)
هبة احيكِ على ايجابيتك ومشاركتك ديما بالمواضيع المميزة فى المدونة
واحيكِ على اسلوبك المميز فى الكتابة
....
فعلا والله الشعب المصرى شعب غريب جدا فى صفات جدا كتير وجميلة ومش موجودة فى الشعوب التانية نهائى.... هو مش شعب هايف هو شعب ناقصة الى يوجة صح وبما ان الاعلام هو الى بيوجة يبقى اكيد مش متوجة صح ... يعنى مثلا لو الاعلام يدعم القضية الفلسطينية زى مابيدعم المتشات والكورة اكيد الشعب هياخد خطوة فى طريق تحرير المسجد الاقصى
احنا عيبنا فى الالعلام والحكومة فى عيب فى الشعب
الشعب غلبان اوى واقل حاجة بتفرحة
... ربنا يفرحنا ويسعدنا جميعا والفرحة الجاية هتكون بالمسجد الاقصى ان شاء الله
تحياتى لكم جميعا :)
اى خدمة ياشوشو
انا كلامى جامد من زمان بس انتى اللى مش بتاخدى بالك
هههههههههه
وفعلا والله معاكوا حق
وشكرا يانسيبة خصوصا على انك قولتى اسلوبى متميز فى الكتابة
تحياااتى
ملحوظة :فين باقى العيلة ماحدش بيدخل ليه؟؟؟؟
الله يرحمهم كانوا طيبين :d
Post a Comment