فقط فى مصر

الفرق بين رموز الماضى و رموز الحاضر هو نفس الفرق بين سعد زغلول و سعد الصغير
و بين جمال عبد الناصر و جمال حمزة و بين أبى العلاء المعرى و أبى الليف

- الأهرامات العظيمة هى أكبر دليل على كسل المصريين منذ القدم . فالكسل هو الذى جعلهم يقللوا من كمية الحجارة كلما ارتفع البناء

...- هناك شعوب تأكل لكى تعيش و شعوب تعيش لكى تأكل أما نحن فاننا نأكل و نعيش و
لا نجد أهمية للتفكير فى أشياء فلسفية كهذه

- قالت له أنه أول انسان فى حياتها .. و قال لها أنها أول انسانة فى حياته .. لا يمكن أن يكون ذلك حقيقيا الا اذا كانوا يعيشون على المريخ مع مخلوقات فضائية

- فقط فى مصر .. الصرف الصحى غير صحى بالمرة .. جامعة القاهرة تقع فى محافظة الجيزة .. النادى الأهلى يوجد فى الزمالك .. الأغلبية تكره حزب الأغلبية .. محور 26 يوليو يتحول بعد مسافة معينة ليصبح كوبرى 15 مايو .. و جميع المدارس جميلة نظيفة متطورة .. و أحيانا منتجة

- الشعب المصرى متدين بطبعه .. كريم بطبعه .. شهم بطبعه .. ابن بلد بطبعه .. دمه خفيف بطبعه .. متسامح بطبعه ورغم انى " بطابعه " من زمان .. لم ألاحظ شيئا كهذا " نأسف للألش "
:D

رمضـاااااااان جـانـا ... كل سنه وانتوا طيبيـــن

سلام عليكم ..

كل سنة وانتوا طيبين جميعـا
ويـاربـ ديما يجى علينا وعليكوا رمضان واحنا بخير وديما نتجمع فى الخير
ام هند ’’

كان عندى فكره جميله جدا بخصوص رمضان
عايزين نجيب زينه ونعلقها تحت فى المدخل وقدام البيوت
ولو عرفنا نجيب فانوس كمان ونعلقه فى بلكونتنا يبقى كتر خيركم ههه :)
لا بجد نجيبه ونعلقه فى المدخل
ها ايه رايكمـ

صحيح عايزة رايكم فى موضوع تانى وهو افطر الصائمـ
يعنى نجيب اطباق فِل زى ما بنعمل كل سنه ونوزع على البيوت وكل ييوم تنزلو لينا وجبه نفطر بيها ممممم قصدى نوزعها والشباب يتولوا مسؤليه التوزيع
منها نفطر صائم وناخد اجر ومنها نتجمع عل طاعة وعمل خير زى دة

اية رأيكم فى موضوع الزينه وموضوع افطار صائم؟؟

خبر حلو

السلام عليكم


يا جماعة


بناء على طلب الجماهير الغفيرة في معرفة المفاجأة الكبيرة للحاج أنس


أحب أقولكم وأكشف لكم عن الخبر الحلو واللي كلنا بنستناه من فترة لفترة


الخبر هو


رحلة لحديقة الأزهر وضواحيها وممكن نشوف منطقة من مناطق مصر القديمة الأثرية عشان نعرف تاريخ بلدنا ونشوفه ونتعرف عليه أكثر وكمان نجتمع تاني في مكان حلو والكبار يطلعوا معانا كمان لانهم نفسهم يخرجوا وهتبقى فسحة ( فل اوبشن) ان شاء الله

وكمان مافيش مانع نعدي على مقابر السيدة عيشة أو حتى مقابر الملوك ونرمي السلام على .... محمد علي باشا .. مؤسس مصر الحديثة هو وجيرانه من الملوك والخديويين كمان

فكروا في الموضوع وادرسوه ورتبوا هنطلع ولا لأ ... بس أهم حاجه مش يبقى يوم جمعة خالص لان الدنيا هناك بتبقى مولد وصاحبه غايب لدرجة ان العيال بقت تنزل تستحمى في مجاري العيون ومية النوافير من الحر

:):):):)


أشوفكم على خير هناك بقى




سلام

انتوا فين يا بشر

السلام عليكم


أولا أحب أقول ان الدنيا نامت خالص وده مش طبيعي ولا صحي خالص


لما نبقى كلنا في بيت واحد ومش عارفين نتواصل أبدا لا على الواقع ولا على النت أو المدونة

الكلام ده محتاج وقفه للم الشمل واعداة ترتيب البيت الداخلي الوهبي وياريت نجتمع مرة اخرى لتعود العلاقات كما كانت

وخلوا بالكم

في مفاجات حلوة جاية في الطريق


المهم نقعد وساعتها لكل حادثة حديث


فتتكم بعافية

عـــود بعد انقطااااااااااع

سلام عليكم

اخيرا خلصنا والى كان بيدرس اخد الاجزه ولحد ما بقينا فضيين
المهم كنت بقترح خروجه لبنها زى الخروجه الى فاتت كده
وده ان شاء الله يوم الخميس بعد المغرب
او يوم الاربع بعد المغرب برضو
يعنى اختارو الافضل ليكم والله يخليكو عايزين نتفق ... (يعنى لو حد عنده معاد ومش ضرورى اووى يحاول يتنازل عنه)

ها ايه رايكم؟

مافيش بوست

بسم الله الرحمن الرحيم

نظرا لغياب تجمعاتنا بسبب اعلان الطوارئ وكثرة عدد الدراسين ومنه وجود امتحانات
ونظرا لضرورة اتصالنا ببعض فان المدونة يجب ان تكون وسيلة لذلك

ولكن...........................

هنتكلم عن ايه واحنا مش بنتجمع
يعنى ايه الموضوع اللى ممكن يجمعنا كلنا فى المدونة


وبصرااااااحة......
نظرا لكثرة المطالبات بعمل بوست

فاانا قررت ان احنا نعمله بوست مفتوووح
يعنى أى حد عايز يدخل يتكلم فى أى حاجة


نمسك مثلا كل يوم موضوع معين
سواء موضوع عام أو موضوع عائلى

اتمنى ان تنجح محاولتى فى تنشيط المدونة من جديد

تحياااااتى

تـأتـى الامتحنـات بما لا تحتوى الكتب :D

السلام عليكم ورحمة الله
اخباركم اية ياجماعة واخبار امتحناتكم اية واخبار المذاكرة اية
كل واحد فينا هيدخل يكتب المواد الى عندة وجدول امتحناتة وتاريخ بدأء ونهاية الامتحنات
كل واحد يحط لينا شعارة فى الامتحانت برضو
يعنى انا مثلا شـعارى دئما ف الامتحانت
[ تأتـى الامتحنـات بملا تحتوى الكوتب :) ]
فكل واحد يكتب لينا شعارة
وبعدين عايزين نحط برنامج صيفى لينا بس نخلص امتحنات الاول
اية رايكم ؟؟

منتظرة ردودكم

وربنا يوفقنا جميعا
يااااااااااااااااااااااااربـ

مقال منقول

لقيت مقال عالنت عجبنى جداااااا وقولت لازم كلكوا تقرأوه

فساد وجهل وبيروقراطية وظلم وتلوث وقهر وقلة إحساس وقلة ذوق ورشوة وسرقة وقلب للحقائق وتنكيل بالبسطاء

وقسوة علي من لا ظهر له، جهل وسرقة للأفكار وتزوير وتدليس ونجاح مجاني يحصل عليه اللصوص وأرباع الموهوبين ،

صفر في القدرة علي الإبداع والتجديد، صفر في القدرة علي خلق مناخ صحي نعيش فيه، صفر في لغة الخطاب السياسي،

صفر في دور النشر وشركات الكاسيت وشركات الإنتاج السينمائي والصحف بكل أنواعها المستقلة قبل الحكومية،

الكل يتاجر بالبلد ولا أحد يري غير نفسه حتي من يدعي النضال والثقافة،

الشهرة من نصيب المهرجين والمتآمرين ولصوص الأفكار وحاملو الشنطة وحاملو الفوطة أحياناً،

بلد يسيطر عليه المدعون في شتي المجالات والناس تغرق في جهل عظيم فلا تفرق بين الأصلي والتقليد

، الصين احتلتنا، وأراضينا اشتراها الإسرائيليون وأمراء الخليج ورجال الأعمال برخص التراب

، والمخدرات أصبحت سمة مميزة للشباب الذين لم يجدوا فرصة للظهور سوي كجمهور في برامج التوك شو

، وطن أبعد ما يكون عن صحيح الدين وغارق بين بحرين كليهما مظلم بحر التشدد وبحر الانحلال،

بلد أقرب في تكوينه ورائحته وسمعته لشركة قطاع عام

لا أحد وصل لمقعده عن كفاءة واستحقاق ولا نظام في طريقة إدارتها

ولا خطة مستقبلية لها ولا طموح للعاملين فيه سوي الحفاظ علي مقاعدهم أما طرقاتها الضيقة

فتمتلئ بالهلّيبة وآكلي العيش بالفهلوة والسرقة والسمسرة وتخليص المصالح ولي عنق القانون،

شركة لا مكان فيها للشرفاء ولا صوت يعلو فيها علي صوت الجهل ولا قدرة لموظفيها علي حسن التعامل مع الناس،

شركة تحقق خسائر تتزايد يوماً بعد يوم وكلما ظهر فيها موظف يود أن يلفت النظر للخسائر يتم نقله للأرشيف، شركة الكسبان الوحيد فيها هم اللصوص.

نعيش أياماً سوداء يا صديقي، إذا كانت لديك فرصة للهجرة أرجوك هاجر،

وإذا كان ابنك أو شقيقك يحلم بالهجرة أرجوك لا تقف في طريقه،

وإذا كنت بره أساساً أرجوك خليك عندك،

فالبلد لن ينصلح حاله قريباً حتي لو تغير النظام، فالمشكلة الكبري في الناس،

الهجرة يا صديقي الهجرة.. الحياة ليست بروفة وستعيش مرة واحدة فحاول أن تعيشها «صح».

مستنيه رأيكم

رحمـ اللهـ جدنا شيخـ المجاهدينـ ... أبو الفتوحـ شوشة

طبعا ليس المكان مكان كلام

إنما هو إحياء ذكرى طيبة لعملاق في زمن الأقزام


الإحياء هنا بمواقف عملية لكل فرد فينا

هو جدنا كلنا

بالتأكيد له موقف من كل واحد منا

نحب أن نعرف أثره فينا

أن يذكر كل واحد فينا موقف ... موقفان ... ثلاثة ... أو حتى أكثر

هنا باب الذكريات لصاحب الجهاد ... وفاء ومحبة وعرفانا بالجميل

من حقنا كلنا أن نفتخر بهذا الرمز الأسطورة

في انتظار تعليقاتكم

Let's Practice Together

Peace be upon you

We all know the importance of the English language at this age, and I think that many of us have a good background about it !

So, I suggest to practice here together on making conversation in order to make our " English " better

Someone will choose any topic he want and we all have to participate :)

Inshaa' Allah we all will learn from each other and every one will correct the other's mistakes :):)

I wanna know your opinions :)

If you agree, tell me ....... to start :)

يا عيلة ورق

أولا أحب أشيد بالمعيلة الكبيرة اللي متأصلة في شباب العيلة دي

لا اجتماع عارفين نعمله ولا رحلة حتى عارفين نطلعها

وكل واحد قاعد في بيته مستني التاني يروح يتفق على الرحلة والعربية ويجي يتحايل عليه يطلع

وكله طنش وعمل نفسه مش واخد باله

وفي الاخر ...

كله مش واخد باله وعامل نفسه كده وداخل يكتب بوستات جديدة ومختلفة ويهزر ويكتب نكت بدل ما يسال عملنا ايه ولا سوينا ايه

وحتى الاجتماع اللي اتحايلنا عليكم نقعده عشان نرتب الرحلة ونخرج سوا نغير جو سوا

ولا حد عبر

يبقى أظن اننا نبطلها سيرة وعمي الحاج كان عنده حق في كلامه بقى ان الاقعدة مالهاش لازمة

واظن كمان ان المدونة بقى مالهاش لازمة ونقفلها او نحذفها كمان


على فكرة الكلام جد وانا مش بهزر

ياعيلة ورق

تقليـد مبـارك هئهئهئهئ ههههه :D

شوفو ياجماعة الرجل دة وهو بيقلد مبارك ( الله لا يبارك فى عمرة ) بجد جبها صح


:) :)

:) :)







:)

مستنيـة ردودكمـ

تحيـاتى

فى أول أيام السودان..

بعد التحية والسلام

ازيكم يا جماعة انا زعلانة من الكل طبعا لان محدش فيكوا عبرنى ولا اطمن عليا ولا سأل عليا ولا اى حاجة

انتوا ما صدقتوا انى اتجوزت وطنشتونى كدة ليه؟

دا انا بنت عمكم برضوا

على العموم خير

انا الحمد لله سافرت واستقريت طبعا مش مرتاحة قوووى بس الحمد لله على كل حال هيا الغربة كدة (عاقلة بقى)

الناس استقبلتنا هنا فى المطار وعملونا زفة واغانى وعربية متزينة وفرح وظبطونا ربنا يكرمهم

ربنا يعدى الايام على خير ونرجع سالمين غانمين باذن الله

دعوووووووووواتكم كلكم ربنا يرضينى ويريحنى لقنى بقعد ابكى كتيير

سلاااااااام

أين الخلل ؟

السلام عليكم

عايزين نتناقش في الموضوع ده بهدوء وعقلانية قدر المستطاع

بيقال إن قعدتنا مش مظبوطة أو متسيبة أو مش شرعية أو أو وغيره

فهل فعلا قعدتنا كده ؟

ياترى ايه الهدف منها وايه الفايدة ؟

هل يتخيل حد منا اننا ممكن نلغي المشروع الرائع ده _من وجهة نظري_ ونوقف كل نشاطتنا وخلاص ؟؟؟

لو في سلبيات ياريت نعرفها ونعالجها !!

لكن آخر العلاج الكي !!

دعوة لإعادة النظر والتفكير الهادئ الجاد لنصل إلى حل مقبول يرضي الجميع

نـــداء عـــاجل

نـــداء عـــاجل

نـــداء عـــاجل

نـــداء عـــاجل


تدعوكم الجمعية العمومية لأبناء عائلة الحاج أحمد وهب عنهم الحاج أنس وهب لاجتماع عاجل لبحث آخر التطورات والمستجدات على الساحة العائلية ولتناول مسألة الرحلة القادمة ( رحلة الأزهر بارك ) بشيء من التفصيل والتمحيص

الإجتماع يوم الأحد عند الحاج بلال بإذن الله تعالى


والعاقبة عندكم في المسرات

ينمع اصطحاب الأطفال وصغار السن

رحلة الأزهر بارك

السلام عليكم ورحمة الله

أولا أحب أشيد بالنذالة الحلوة اللي عملتوها المرة اللي فاتت ورحتوا بنها من غيرنا نحن معشر المتزوجين

وبناء عليه

أتقدم بطلب إحاطة عاجل واستجواب فوري للمتسبب في تلك المهزلة الكبرى


وبنقول


إنه بناء على خطأ المخطئين وخروج الخارجين


أتقدم بطلب اننا نعمل رحلة حلوة معتبرة للازهر بارك زي المرة القديمة واهو بالمرة نستغل ان الجو حلو دلوقت قبل الحر وقبل الاجازة وزحمة البلد

وكمان ناخد معانا الامهات والاباء لو حبوا كمان

فكروا في الموضوع كويس ونطلع في يوم جمعة ولا حاجه بجد

واهو نغير جو ونتفسح فسحة حلوة ونتجمع في صحبة جميلة


مقترح يوم الجمعة 2 أبريل

يعني الأسبوع الجاي ان شاء الله


ولو في اقتراحات وبرنامج حلو ممكن نعمله يبقى احلى واحلى

أكتر خروجة مجنونة خرجناها :)

العقل و الهدؤ اللى باين فى الصور ده بس من حب الزهور

عشان بتتصورو و كدة

..

بس انتو عارفين الجنان اللى كنا فيه

ههههههه

يلا عقبال الخروجة الجاية

بس ناخد الابيهات و الابلوات معانا

عشان المنظر العام بس

:) :)

بناء على طلب الجماهير

بسم الله الرحمن الرحيم

بما ان الأمر عندنا ف عيلة وهب بالشورى وأخد الأأراء وبعد اللح الشديد والاصرار العائلى الجماعى

قررنا ان احنا نعمل بوست جديد يقربنا من بعض أكتر

عشان اتصالنا يكون اكتر

لان اكييد مش هنقدر نتجمع يوميا

ولان اكييد لازم نعرف الجديد اللى بيحصل مع كل واحد فينا

عملت البوست ده عشان كل واحد يدخل يحكيلنا الى حصل معاه ف يومه او اى موقف عجبه ....الى أخره

يعنى نقدر نعتبره ركن الاخبار العائليه

لان عيلة وهب بتقربنا كلنا

تحيياااااااااااااااااااااااتى

الاجتمـاع يــــــــــــــوم !!

السلام عليكم ورحمة الله
ياجماعة باذن الله الاجتماع يوم الاحد عندنـا( خدو بالكم من عننا دى :)) الساعة 8 لاسوار ( بليل يعنى:
أعتقد ان المعاد هيكون مناسب الجميع ولو مش مناسب مش هنغيـر ( عاجب ولا لأ ؟؟ )

مستنينكمـ ان شـاء الله

تحيااتى
:)
:)
:)

أنس بقى أب يا جدعان

بسم الله الرحمن الرحيم

اقتباسا من موضوع نسيبة عن وصول الأنسة رغد حبيت ان احنا نهنى أنس بمناسبة وصول الأنسة رقية

حمدالله على سلامة ام رقيه

ربنا يحفظهالكم ويباركلكوا فيها

الحرية لأسرى الجيش المصري

ابوووووووووووووس ايديكم حنوا علينا وسيبووووووووووونا نروح لحال سبيلنا الله لا يسوئكم

هههههههههههههههههههههههههههههههههههههههههههه

خبر عاجل يوم الأحد 5 / 2
*الجيش المصري الباسل يعلن ترشيحه للظابط المناضل عبدالرحمن علي وهب كظابط احتياط في صفوف الجيش المصري

ههههههههههههههههههههههههههههههههههههههههههه

ان شاء الله النتيجة النهائية يوم الاربعاء 24/2 واسأكم الدعاااااااااااااااااااااء بكل ما اوتيتم من قوة لحسن شكلي هلبس بجد

رخامة

في أسئلة بديهية مالهاش اي لزمة في الدنيابنتعرض ليها كل يوم من كل الناس

خلـونـــا نشوف أمثلة

*******

إنت في أوضتك.. على السرير وطافي النور ومتغطي يجي أخوك الظريف ويفتح الباب عليك ويقول: ايه ده انت هتنام ولاّ ايه؟(( أظن ده مش وضع الرقص!!! واضح ان انا هنام

*******

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتـواااااااا؟(( لا لسه ))*******

والعكس: انت لابس هدومك ومتأنتك وعلى سنجة عشرة وريحة البارفان واصله لاخر الشارع.. وخلاص بتفتح باب الشقة,, يجي حد من أهلك وينادي بصوت عالي: انت خااااارج ولاّ اييييييييييه(( ! لاء دانا لسه راجع ))أو مثلا راكب العربية ودوّرتها وخلاص هتطلع.. يجيلك لك البواب ويخبطلك على الزجاج,, انت بكل ذوق تفتح الزجاج وتقوله: خير في حاجة؟يقولك: انت رايح الشغل يابيه؟(( لا.. العربية واحشاني ))

*******

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون؟(( لا.. بتفرّج عليه ))

*******

مثلا: ماسك مذكرة أو كتاب وقاعد تحفظ ومتحمس (أول مره بقى).. جه حد وقالك: هاه.. قاعد تذاكر؟(( تقوم رامي الكتاب وتقوله لااااااااء ))

*******

ربنا هاديك كده.. ماسك سبحة وعمال تسبّح، يجي حد من البيت يعدي عليك ويقول: هوّه انت بتسبح؟(( لاء.. هفرطها وأسلقها ))

*******

ولاّ تعالو شوفو قنواتنا واسئلتهم البديهية البايخة برنامج اهداءات يتصل واحد يطلب أغنية ترد عليه الست المذيعة بكل خفه ورشاقة: إنتا بتحب الاغنيّة ديه ولا ايه؟ (( لاء.. طالبها اخنق على نفسي ))

*******

أو مثلا في العيدالمذيع: هههههه هههههههه هههههه نتعرّف بيك المواطن: فلان الفلاني المذيع :هههههه هههههه هههههه بتقول ايه للأهل ههه وصحابك ههه وقرايبك هههه وللناس اللي انت مخاصمهم كمان؟ هههههه هههههه هههههههالمواطن: أقولهم كل عام وأنتم بخير(( أكيد يعني مش هيقولهم البقاء لله ))

*******

المذيعة الظريفة: وياترى بقى هتعملوا ايه العيد ده هتقضوه ازاي؟ أكيد بيبقى زيارات الأهل والصحاب وتخرجوا تشوفوا مظاهر العيد في الشوارع وتفسحوا أولادكم ونتصل بالمعارف نعيّد عليهم ونقولهم كل سنة وانتو طيبين(( سبتيله ايه يقوله يارخمة؟ ))

******

والأسخف بقى.. الشلل الكبير.. لما المذيعين يكلّموا الاطفال يقول المذيع للطفل: إنت بتحب ماما وبابا؟(( يعني أساسي

الواد لسه ما طلعلوش عرق الندالة علشان يقول لأ

بالمناسبة

الموضوع ده هيبقى للرخامة بس

يعني اللى يدخل لازم يرخم

جبروت إمرأة

بما إن العصر الآن هو عصر المرأة

وإن الوقت الحاضر هو قوت التسلط والجبروت الأنثوي

فذلك بينعكس على كافة نواحي الحياة العامة والشخصية على نحو سواء

وعليه

فإليكم صورة جديدة من صور سيطرة المرأة على المجتمع

حوار بين امرأة غنية ورجل فقير

وهنشوف مين هيسكب في النهاية

مرت امرأة فائقة الجمال برجل فقير بل معدم، فنظر إليها وقلبه ينفطر شغفا بجمالها ثم تقدم منها ودار بينهما الحوار الآتي




الرجل : وزيّناها للناظرين


المرأة: وحفظناها من كل شيطان رجيم




الرجل: بل هي فتنة ولكن أكثرهم لا يعلمون


المرأة:واتقوا فتنة لا تصيبن الذين ظلموا منكم خاصة واعلموا أن الله شديد العقاب



الرجل: نريد أن نأكل منها وتطمئن قلوبنا


المرأة: لن تنالوا البرّ حتى تنفقوا



الرجل: وإن كان ذو عسرة


المرأة: حتى يغنيهم الله من فضله



الرجل: والذين لا يجدون ما ينفقون


المرأة: أولئك عنها مبعدون




عندها احمر وجه الرجل غيظا وقال:'ألا لعنة الله على نساء الأرض أجمعين!!'


فأجابته المرأة: للذكر مثل حظ الأنثيين

**********'


شوفتوا بقى المرأة وصلت لفين


يارب

يارب

يارب


.............

بلاش علشان الرقابة بقى





:):):):)

محدش فاااهم حاجة

دفق فىالبطحاء بعد تبهطل وقعقع فى البيداء غير مزركل

وسار بأركان العقيش مقرنصا وهام بكل القارطات بشنكل

يقول وما بال البحاط مقرطما ويسعى دواما بين هك وهنكل

إذا أقبل البعراط طاح بهمة وإن أقرط المحطوش ناء بكلكل

يكاد على فرط الحطيف يبقبق ويضرب ما بين الهماط وكندل

فيا أيها البعقوش لست بقاعد ولا أنت فى كل البحيص بطنبل

محدش فاااهم حاجة

ألف سـلامة يا شــيـخ يوسف

بعد جبس الحاج أنس في ايده

الان وحصريا في بيت الحاج محمد - اللي هو والد الحاج بلال - نقدم لكم

يوسف في رباط رجله اليمين بعد تمزق في الاأربطه وورم

مع اجراء الكابتن عمير برنامج اعادة تأهيل مكثف

ربنا يستر عليك يا بلال

شيماء وهب